Komisioni i Pavarur i Kualifikimit ka shkarkuar nga detyra gjyqtaren e Apelit Tiranë, Maria Qirjazi dhe si rrjedhojë është bllokuar Gjykata e Apelit. Apeli tashmë ka 9 anëtarë nga 31 që duhet të ketë dhe janë në pritje për t’u shqyrtuar 14 mijë e 500 dosje.
Maria Qirjazi ka një karrierë të gjatë në sistemin e drejtësisë, ku ka punuar për më shumë se një dekadë si gjyqtare në Gjykatën e Apelit të Gjirokastrës. Prej vitit 2013, Qirjazi e ushtron funksionin në Gjykatën e Apelit të Tiranës.