• |
ide | kryesore

Vdekja e minatorit në minierën e Bulqizës/ Arrestohet një person, procedohet një tjetër

Arkiva, Lajme, Të fundit

Policia e Bulqizës ka arrestuar një person dhe ka proceduar penalisht një tjetër pas vdekjes së një minatori dje në minierën e Bulqizës. Sipas informacioneve zyrtare, nga Specialistët për Hetimin e Krimit në Komisariatin e Policisë Bulqizë, u bë arrestimi në flagrancë i shtetasit Ç. D., 61 vjeç, banues në Bulqizë, (me detyrë armator në një subjekt minerar në zonën D), si dhe filloi procedimi penal në gjendje të lirë për shtetasin F. K., 50 vjeç, banues në Bulqizë, (me detyrë brigadier), për veprën penale “Shkelja e rregullave të mbrojtjes në punë”.


Shtetasit e lartëpërmendur kanë patur detyrimin ligjor për kontrollin e vazhdueshëm të gjendjes teknike të galerisë, ku si pasojë e neglizhencës së tyre, mesditën e datës 24.02.2021, në një nga nënkatet e subjektit minerar, është shembur një pjesë armature duke i shkaktuar vdekjen një 49-vjeçari (me detyrë vagonist).
Materialet procedurale i kaluan Prokurorisë pranë Gjykatës së Shkallës së Parë Dibër për veprime të mëtejshme.


Lini një Përgjigje

Adresa juaj email s’do të bëhet publike.

Kthehu