Zyra e OSHEE, në rrugën “Qemal Stafa”, në Tiranë, në afërsi të Pazarit të Ri është grabitur. Dyshohet se ngjarja ka ndodhur gjatë natës. Kanë qenë vetë punonjësit ata që kanë konstatuar grabitjen. Kur kanë shkuar për të nisur punën mëngjesin e sotëm, kanë konstatuar se dera ka qenë e hapur dhe dyert e brendshme të thyera.
Policia dhe grupi i hetimit ndodhen në vendngjarje dhe po punojnë për zbardhjen e saj.