• |
ide | kryesore

Shqipëria në situatë kritike nga pandemia, mjekët kërkojnë mbylljen e shkollave, lokaleve dhe urbanëve për 1 muaj

Arkiva, Lajme, Të fundit

Shqipëria është në situatën më kritike nga pandemia e Covid-19. Përhapja e koronavirusit dhe humbjet e jetëve janë në nivele alarmante. Mjekët i bëjnë thirrje qeverisë të marrë masa urgjente duke mbyllur shkollat, lokalet dhe transportin publik.


Kërkesa e specialistëve nga spitalet shtetërore bëhet jashtë kamerës por kolegët e tyre në sistemin privat nuk ngurojnë ta thonë dhe publikisht.


Një mjeke në sistemin privat e cilëson të paprecedentë vendimin e Komitetit Teknik për të mos ndryshuar masat.

Kirurgia Lida Shosha thekson për A2 nevojën për mbylljen e disa shërvbimeve dhe fundjavat karantinë. Sipas saj spitalet janë tejmbushur ndërsa mjekët janë të lodhur dhe të mbingarkuar.

Për infeksionistin Arben Pilaca, politika nuk duhet të mendojë për zgjedhjet në prill por për jetën e qytetarëve në këtë periudhë të vështirë.

Komiteti Teknik vendosi të mos ashpërsojë masat duke lënë në fuqi kufizimet ekzistuese. Ekspertët deklaruan se ka një tendencë në rënie të infektimeve por shifrat zyrtare dhe humbjet e jetës po shënojnë çdo ditë rekorde të reja.

Deri tani kanë humbur jetën mbi 1700 qytetarë të moshave të ndryshme, ndërsa të infektuar rezultojnë mbi 100 mijë persona në të gjithë vendin.

3 Comments

  1. Ne Shqiperine tone “demokratike” ku mjeket e sistemit publik kane frike te flasin para kamerave se humbin vendin e punes.

  2. Ndërsa Monika Kryemadhi iu vetë në shtëpi njerëzve dhe iu shërben bukën, Lulzim Basha i merr në telefon dhe iu dërgon lule për ditëlindjen.

    Kështu ka ndodhur sot me një grua të quajtur Drita, të cilës Basha i ka mësuar ditën e lindjes dhe i ka dërguar një buqetë me lule, bashkë me kamaramanin që e filmonte, ndërsa Basha e merrte në telefon.

    “Sot me rrodhën lot gëzimi!

Lini një Përgjigje

Adresa juaj email s’do të bëhet publike.

Kthehu