Prej mbrëmjes së djeshme disa qytete të vendit janë pushtuar nga mjegulla e dendura, pavarësisht motit të mirë dhe të kthjellët të këtyre ditëve. Fenomeni natyror ka vijuar edhe mëngjesin e sotëm, duke sjellë probleme në disa zona. Lezha dhe Vlora kanë pasur prani të madhe të mjegullës, që ka vështirësuar ndjeshëm dhe qarkullimin e mjeteve. Në Vlorë kanë nisur problemet e para veçanërishtë në zonat malore.
Territori i Llogorasë është totalisht nën pushtimin e mjegullës. Kjo ka shkaktuar probleme me qarkullimin e automjeteve për shkak të fushëpamjes së ulët. Policia rrugore ka vendosur një patrullë në hyrje të fshatit Dukat, për orientimin e automjeteve, dhe për të shmangur aksidente të mundshme.