Ish-presidenti i Barcelonës Josep Maria Bartomeu dhe ish-këshilltari i tij Jaume Masferrer, të arrestuar dje në metropolin katalanas si pjesë e hetimit “Barcagate”, u lanë të lirë pasi u paraqitën para gjykatësit që zhvillonte hetimin.
Të dy personat, tha gjykata, “kanë ushtruar të drejtën e tyre për të mos folur” dhe gjykatësi i ka vendosur në liri me kusht, ndërsa hetimi vazhdon. Dy drejtues të tjerë të klubit të cilët u arrestuan dje si pjesë e operacionit që çoi gjithashtu në një kontroll policor në selinë e Barcelonës – CEO i tanishëm i klubit, Oscar Grau dhe shefi i shërbimeve ligjore, Roma Gomez Ponti – u liruan mbrëmë .
Skandali ‘Barcagate’ zbuloi se klubi blaugrana mbulonte pagesat e bëra për një kompani të quajtur I3 Ventures, të punësuar për të forcuar imazhin e klubit në mediat sociale. Një pjesë e fushatës së mediave sociale përfshinte kritikat ndaj lojtarëve, përfshirë Leo Messi dhe Xavi Hernandez, por edhe të trajnerit Pep Guardiola.