• |
ide | kryesore

Meta reagon pas raportit të “Freedom House”: Shkelja e të drejtave të njeriut është këmbanë alarmi

-Instant, Lajme, Të fundit



Pas raportit të Freedom House, ku e rendit vendit tonë si pjesërisht të lirë, ka reaguar Presidenti i Republikës, Ilir Meta, i cili thotë se ‘Shqipëria është një hap më pranë autoritarizmit’.

Në një postim në Facebook, Kreu i Shtetit shkruan se ngjarjet të cilët përmenten në raport, si shembja e Teatrit apo vrasja e Klodian Rashës nuk mund të amnistohen.

“Shqipëria një hap më pranë autoritarizmit! “Freedom House” e zbret Shqipërinë edhe më poshtë për vitin 2020, mes regjimeve HIBRIDE!

Shembjen e Teatrit Kombëtar për interesa klienteliste, dhunimin e protestuesve dhe vrasjen kriminale të Klodian Rashës gjatë kohës së pandemisë nuk mund t’i mbulojë asnjë propagandë. Këto dhe të tjera ngjarje të rënda kurrë nuk do të amnistohen dhe për to drejtësia do vendoset në vend.

Përkeqësimi i të gjithë treguesve, veçanërisht shkelja mizore e të drejtave të  njeriut, është një kambanë e fortë alarmi për instalimin e shtetit policor, që e kam denoncuar prej kohësh”, shkruan Presidenti Meta.

Teksa ndalet në zgjedhjet e 25 prillit, Presidenti thotë se kjo datë është një momenti historik për t’i dhënë një trajektore të re të demokracisë.

“Referendumi i 25 prillit 2021 është momenti historik për t’i dhënë një trajektore të re të demokracisë, shtetit ligjor dhe respektimit të të drejtave të njeriut, me qëllim përmbushjen sa më parë të kushteve të vendosura nga Bashkimi Europian”, thotë Meta.



1 Comment

  1. Nëse kësaj here nuk rrëzohet Edi Rama, atëherë këta kot që janë këtu. Presidenti i Republikës Ilir Meta e tha qartë: Nëse nuk rrëzohet ai, atëherë në 26 prill ‘unë nuk do të jem më ‘, president. Si Meta, Monika, Berisha, Basha…, kanë krijuar një ‘Edi Rama’ që tani u duhet ta rrëzojnë në barkun e tyre. Në bark u rri frika, aty kanë krijuar edhe shkaktarin e frikës. Frika e vetme e tyre është ‘gryka e thesit’, një psikozë që u zhvillohet të gjithë mëkatarëve të mëdhenj të kësaj bote. Këtyre kur u vjen një moment, njësoj si çdo frymor që trembet nga fundi, u feksët para syve thesi; thesi që mban mëkatet dhe që po i mbyllet gryka.

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *