Një ngjarje e rëndë ka ndodhur mesditën e sotme në Luar të Roskovecit, ku djali ka goditur babain në kokë me sende të forta.
52-vjeçari Dhori Rapi ka gjetur vdekjen e menjëhershme.
Policia ka arrestuar menjëherë autorin e krimit, 25-vjeçarin Erdis Rapi.
“Sot rreth orës 11:50, në fshatin Luar, Roskovec, në banesën e tij, shtetasi E. R., 25 vjeç, për motive të dobëta, ka goditur në kokë me sende të forta(shkop), babain e tij, shtetasin Dh. R., 52 vjeç, i cili ka gjetur vdekjen e menjëhershme.
Policia ka bërë të mundur kapjen e autorit dhe shoqërimin e tij në Komisariatin e Policisë.
Po kryhen veprimet procedurale dhe hetimore për zbardhjen e plotë të rrethanave të ngjarjes”, njofton policia.