• |
ide | kryesore

Ftesa nën avujt e alkoolit/ Si u bë lista e kandidatëve të PS në Berat

-Instant, Arkiva, Kryesore, Lajme



Nuk ka mëdyshje në përcjelljen e Adnor Shametit jashtë selisë së PS-së. Deputeti i Beratit nuk bëri diferencën me ndonjë ide, as nuk pati ndonjëherë mendime ndryshe në vendimet që morën drejtuesit e PS-së, prandaj mungesa e tij nuk do të ndjehet në grupin parlamentar të PS-së.

Prapaskenat/ Pse po ikin kandidatët nga lista e PS

Në vend të tij, në lista do të  shënohet emri i Nasip Naços, ish deputet dhe dy herë ministër me LSI-në, një herë për Ekonominë, Tregtinë dhe Energjitikën dhe herën e dytë, ministër Drejtësie.

Për kalimin në Partinë Socialiste, Nasip Naço foli me argumenta politikë dhe tha se nuk donte të ishte pjesë e një eksperimenti politik, siç e quajti ai koalicionin PD-LSI. Ky sqarim edhe mund të kishte zënë vend në mendjen e njerëzve, sikur në të njëjtën ditë që ai fliste për argumenta politikë në media doli një video që e banalizoi fare lëvizjen.

Në video-mesazh dukej Edi Rama, Lefter Koka dhe Damian Gjiknuri  të tre nën avujt e alkoolit, që ftonin Nasip Naçon t’u bashkohej për të pirë një gotë tjetër me verë.

Video bëri xhiron në internet dhe Lefter Koka zbuloi se Nasip Naço kishte qenë i pakënaqur me drejtuesit e LSI-së. Fillimisht Naçon e kishin caktuar në Durrës, por aty i kishin vënë të parën Elona Gurin. Më pas e kishin transferuar në Berat, por atje ishte i pari në listë Ardit Çela.

Kjo zhvendosje në listë poshtë këtyre emrave krijoi pakënaqësi tek Nasip Naço, që duke u ndjerë i pavlerësuar, iku për një vend të sigurt në listat e PS-së.

Lexo edhe: Ç’po ndodh në LSI/ Prapaskenat e largimit të ish-ministrave të Metës

Vetë Monika Kryemadhi e shpjegoi zhvendosjen e Nasip Naços me faktin se në 4 vite, Naço nuk kishte mbajtur asnjëherë një fjalim në parlament.

“Kur s’kanë lexuar një fjalim në parlament edhe kur ja kanë bërë gati. Duhet të jemi shumë ‘fair’ me njerëzit dhe me veten tonë që LSI është një forcë që për hir të së vërtetës është dominuar nga të rinjtë” – tha Kryemadhi.

Pas Nasip Naços, nga LSI u largua edhe Gledion Rehovica, ish deputeti i LSI-së që u skualifikua nga dekriminalizimi. Të dy, Naço dhe Rehovica u promovuan në media si “trofe” në fitoren e parakohshme kundrejt LSI-së. E tillë ishte foto e Erion Veliajt që shoqërohej me mesazhin “Bashkimi bën fuqinë” dhe që shkakoi reagimin e fortë të deputetit të Beratit Adnor Shameti.

Në grupin e Whatsap të deputetëve të PS-së, Adnor Shameti shkroi një mesazh të fortë kundër prurjeve të LSI-së dhe mënjanimit të deputetëve socialistë.

“Jam shume dakord me lalin qe bashkimi ben fuqine, por ne radhe te pare me mua, Ermonelen, Fadilin, pastaj me prurjet qe kaluan me parametra zero ne merkaton e janarit, Gledionin (alias Mina Kusta) sipas vendimit per heqjen e mandatit nga dekriminalizimi dhe me pas Nasipi, qe e ka PS, vetem partine e katert ku aderon, pas qenies sekretar organizate ne PPSH ne Fakultetin juridik, kur ishte student i ardhur nga klasa punetore nga shkolla e mesme e nates, faji i babait tim qe ishte shef arsimi ne ate kohe, aderimit ne PAD e Cekes si drejtor kuadri ne MB, LSI dhe tani e katerta, e verteta. E me te drejte gjyshi im ne keto kushte kur dhe kryeplaku po mer vrull te kandidoje vete ne BR, do te thoshte, zoti e ndihte shef Klosin (u ngrita ne kembe per te disaten here)” ka shkruar Shameti.

Lexo edhe: Komenti i dy videove/ Rama i Erdoganit dhe Rama i Nasipit

Në ditët e ethshme të hartimit të listave të kandidatëve, socialistët po promovojnë në media emrat e dy grave, Luljeta Bozdi dhe Najada Çomo, si përfaqësuese të risive mes kandidatëve për deputetë për 25 prillin. Të dyja i janë servirur elektoratit si dëshmi e rinovimit të PS dhe e kontributit të profesionistëve që janë të mirëpritur në selinë vjollcë.

Por as thinjat e Luljetës dhe as bluza e bardhë e Najadës, nuk e fshehin dot faktin se dyert e PS janë të hapura jo vetëm për profesionistët e mjekësisë dhe të inxhinierisë, por edhe për marifetçinjtë e politikës.©Lapsi.al

 



3 Comments

  1. Kesaj i thone pazar i gomaricave te peqinin.Nuk ja vlen as ty hedhesh qyrrat ketyre kurvave pa bythe.
    Sa me shume kohe kalon aq me shume te shplara behen partite dhe liderat e tyre .
    Por ju mos harroni te votoni ne 25 prill , kurvat kane nevoje per kara .
    Ropt politikes dhe politikaneve

  2. Ky naço nje burr i pa bythe paska nderruar 4 her parti po robet kushe e voton ket e te gjithe ata qe levizen si ky

  3. O nori,kesaj i thone te kiu rama seprapethi,te perdori si prezervativ aromatik dhe te hodhi ne kosh,o adnor po palikari ta futi njeher kur te mbylli univeristetin ,ta kalli per se dyti.Po ti ke shance akoma regjistrohu te partia Myslymit e ke pas ortak dhe dhitja rames. Rama qe kiu universitetin dhe deputetin ti kija Beratin me Lymin,suksese ne jete o profe.

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *