• |
ide | kryesore

Laporta, dita e parë si president me objektiv të qartë: të mbajë Messin në Barcelonë

-Instant, Sport

“Ishte shumë bukur të shikoja Messin të shkonte për të votuar, është një provë se ai e do Barcelonën. Jam i bindur që ai dëshiron të qëndrojë dhe po, ai më përgëzoi për fitoren e zgjedhjeve, unë mendoj se është normale”, këto janë fjalët që Joan Laporta, presidenti i ri i Barcelonës, i ka thënë për Catalunya Ràdio. Zgjedhja e tij në krye të klubit ka krijuar bindjen se tani mund të ketë disa mundësi për të qenë në gjendje që katalanasit të mbajnë kampionin argjentinas, i cili dukej gjithnjë e më i destinuar për tu larguar.


Kontrata e Leos skadon në qershor dhe si ai ashtu edhe stafi i tij janë të bindur për të ndryshuar ajër që nga vera e kaluar. Ajo që Laporta do të përpiqet të bëjë është të stimulojë dashurinë e Messit për ngjyrat Blaugrana dhe për një qytet që tani është bërë i tij. Problemi i vërtetë do të jetë ti afrohet shifrave të larta që klubet e tjera, në shëndet nga ana ekonomike, ndryshe nga Barcelona, mund ti garantojnë kampionit argjentinas.


Laporta gjithashtu foli për miqësinë e tij me Pep Guardiolan, një tjetër ikonë që e uroi atë pas rezultatit të zgjedhjeve. Dikush gjithashtu ka avancuar hipotezën se mund të ekzistojë mundësia e një kthimi të trajnerit spanjoll tani në krye të Manchester City: “Me Pep kemi një marrëdhënie personale, flasim shpesh. Por ai ka një kontratë …”, tha presidenti i ri blaugrana.

Ndërkohë, në ditën e parë pas zgjedhjeve, presidenti i ri shkoi në Ciutat Deportiva për të takuar ekipin e futbollit të meshkujve e femrave. Në veçanti, Laporta u takua me lojtarët e Ronald Koeman, të thirrur për një mision të pamundur në rikuperimin e rezultatit 1–4 të marrë në ndeshjen e parë të 1/8 të Ligës së Kampionëve kundër PSG.

Lini një Përgjigje

Adresa juaj email s’do të bëhet publike.

Kthehu