Pavarësisht se 21 vjec duhet akoma t’i mbushë (në korrik), Erling Haaland tashmë llogaritet në mesin e sulmuesve më të mirë në botë dhe vazhdon të koleksionojë rekorde. Norvegjezi i Borussia Dortmund gjithashtu ka shkëlqyer edhe ndaj Sevillas, dygolëshi në barazimin kundër spanjollëve e bëri atë të arrijë një tjetër rekord: ai u bë lojtari më i ri që arriti 20 gola në Ligën e Kampionëve, të shënuar në vetëm 14 ndeshje.
Haaland theu rekordin e vendosur nga Harry Kane, i cili i kishte fiksuar në 24 ndeshje (Del Piero 26, Filippo Inzaghi 28) për të arritur 20 gola në garën më të mirë evropiane për klube.
E gjithë kjo në një ndeshje shumë të veçantë duke pasur parasysh që, pas 1-0 në të 35′, sulmuesi shënoi edhe në të 48′ por VAR e anulloi golin për një faull. Në të 54 ‘ai fitoi një penallti, që e humbi në tentativën e parë për shkak se portieri i Sevillas lëvizi më herët, ndërsa hera e dytë nga pika e bardhë ishte e duhura për Haaland, i cili më në fund ishte në gjendje të kalonte vijën e finishit me 20 gola në Ligën e Kampionëve.
20 – Erling Haaland è diventato il giocatore più veloce di sempre a segnare 20 gol in Champions League: ha impiegato appena 14 presenze, 10 in meno rispetto al precedente detentore del record (Harry Kane, 24). Stupefacente.#UCL pic.twitter.com/uZn5eVqzPa
— OptaPaolo (@OptaPaolo) March 9, 2021