Aktorja Katie Leung, ka rrëfyer së fundmi se ka përjetur racizëm gjatë xhirimeve të filmit ‘Harry Poter’.
Kate ka treguar gjatë një interviste se publicistët e kanë detyruar t’i mohonte sulmet raciste që po përjetonte nga fansat e filmit.“Unë isha duke kontrrolluar në Google në një moment dhe gjeta një faqe interneti, e cila ishte e përkushtuar ndaj Harry Potter.Mbaj mend që lexova të gjitha komentet dhe kishte shumë racizëm.Më kujtohet që publicistët më thanë, ‘Shiko Katie, ne nuk i kemi parë këto komente. Dhe ti e di, nëse të pyesin, thjesht thuaj që nuk është e vërtetë. Thuaj që nuk po ndodh.Dhe unë vetëm pohova me kokë. Unë isha si, ‘Në rregull, në rregull’, edhe pse e kisha parë vetë me sytë e mi. Isha si, ‘Në rregull, unë thjesht do të them gjithçka është e mrekullueshme”, u shpreh aktorja.