Afrohet kthimi në fushë për Zlatan Ibrahimovic, që mund të jetë në dispozicion të Piolit për kthimin e 1/8 të Europa League kundër Manchester United. Sulmuesi suedez, sipas TuttomercatoËeb.com, ka përshpejtuar për sot kontrollin mjekësor (planifikuar fillimisht për nesër) për të përcaktuar punën stërvitore për javën e ardhshme. Vizita shkoi mirë dhe sipas të gjitha gjasave Ibra mund të luajë një pjesë të ndeshjes me anglezët.
Shërimi nga lëndimi i muskujve të aduktorit të majtë të pësuar kundër Romës duket se po vazhdon si duhet. Ibra është shumë më mirë, nuk ndjen më dhimbje dhe tashmë mund të kthehet në stërvitje me grupin, duke filluar nga e hëna. Pioli, kështu, mund të vendosë ta thërrasë suedezin për ndeshjen e kthimit kundër anglezëve, me të cilët suedezi ka luajtur dy sezone dhe fitoi Europa League në 2017, edhe pse nuk zbriti në fushë për finalen për shkak të një dëmtimi të rëndë të ligamentit të kryqëzuar të gjurit. Zlatan mund të shijojë sërisht fushën të enjten, për të vendosur minuta të rëndësishme në këmbët e tij, në funksion të ndeshjes së kampionatit kundër Fiorentinës.