Juventus-Napoli mbetet i planifikuar për në 7 prill, pas shtyrjes së urdhëruar nga Lega dhe konfirmuar edhe pas apelimit të Romës. Një vendim që në shtëpinë e verdhekuqve nuk është kapërcyer ende, siç pasqyrohet në fjalët e administratorit të deleguar të klubit kryeqytetas Fienga: “Letra që dërgova më duket se është mjaft e qartë, nuk do të doja të thosha më shumë. Unë preferoj të mos komentoj mbi përgjigjen e dhënë nga Lega, është më qesharake se vetë vendimi”.
Në përfundim të seancës në Coni për apelimin pas 0-3 në tryezë kundër Veronës, Fienga sulmoi: “Na thanë që vendimi nuk kërkon arsye, sipas mendimit tim arsyet e vetme nuk mund të thuhen. E nuk pranuan në të njëjtën mënyrë, të shtynin Roma-Napoli, kështu që duhet të mendojmë se Liga mund të shtyjë një ndeshje me një marrëveshje të thjeshtë mes dy ekipeve, përveç ndeshjeve ndërkombëtare”.
Drejtuesi i lartë roman nuk është ndfalur me aq: “Ka sjellje të pjesshme dhe subjektive brenda Lega-s së Futbollit, ne gjejmë boshllëqe të dukshme në qeverisje. Imagjinoni se çfarë mund të ndodhë nëse ky rregull do të zbatohej nga të gjitha ekipet, nga tani deri në fund të kampionatit…”.