• |
ide | kryesore

Video/ Penalltitë eleminojnë Partizanin: Sherri avancon Laçin në gjysëmfinale të Kupës

-Instant, Sport, Video



Penalltitë vendosën fatin e skuadrës së kualifikuar në gjysëmfinale të Kupës së Shqipërisë, në ndeshjen e luajtur në Lac. Vendasit nxjerrin jashtë gare Partizanin (4-3), pasi koha e rregullt dhe ato shtesë nuk sollën asnjë gol.

Askush nuk dëshironte të hiqte dorë nga trofeu, për më tepër që ishte edhe një demonstrim force, në lidhje me duelin e tyre për titullin kampion. Një ndeshje emocionuese ku nuk munguan rastet e dyshimta, momentet e panikut dhe tensioni. E megjithatë, koha e rregullt përfundoi në barazim 0-0, pavarësisht se Cinari, Broja e Mala frikësuan Sherrin, ndërsa Nëabueze, i rikthyer pas dënimit, impenjoi prapavijën kryeqytetase.

Në shtesë skuadrat ishin më të kujdesshme, duke tentuar të mos rrezikojnë. Vetëm nga një rast për cdo pjesë, në të parën Cinari që goditi mbi traversë dhe në të dytën Shehu, gjithashtu pa impenjuar portierin. Për sa i përket penalltive, Laçi u tregua më i saktë duke shndërruar në gol 4 nga 5 penalltitë, i vetmi që gaboi ishte, Musta, ndërkohë që te Partizani, gabuan Bardhi dhe Cara. Falë këtij triumfi të lodhshëm ku të dy ekipet shpenzuan shumë energji, kurbinasit e Duros kanë siguruar një biletë për në gjysmëfinalen e Kupës së Shqipërisë.



Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *