Pagat e lojtarëve të turneve të mëdha, e pamundur të mohohet, janë shumë më të larta se mesatarja. Dhe ka nga ata që fitojnë brenda një jave atë që një person me një punë “normale” do të ishte në gjendje të sillte në shtëpi brenda dekadave. Ky është rasti i Riyad Mahrez, i cili me kontratën e nënshkruar me Manchester City sheh një shumë prej më shumë se 200 mijë euro të kreditohen në bankë çdo javë. Mjaft para për të mos vërejtur dikë që… po e mashtronte. Dhe të gjitha sepse, siç shpjegon Sun, keqbërësi kishte menduar se me shpenzime që nuk ishin shumë të dukshme, askush, as lojtari dhe as banka e tij, nuk do të kishte nisur të kontrollonte llogaritë bankare. Dhe për një kohë … ai kishte të drejtë!
Në fund, dikush e vuri re dhe tani 32-vjeçari Sharif Mohamed është dënuar me tre vjet e tetë muaj burg. Ai u akuzua se kishte shpenzuar rreth 200,000 € duke përdorur një kartë në emër të lojtarit të Manchester City. Në thelb… një javë e pagës së Mahrez. Mashtrimi, shpjegon tabloidi, ndodhi në vitin 2017, kur algjeriani ishte ende tek Leicester City. Mashtruesi telefonoi bankën e lojtarit duke u hequr si ai, e duke marrë një kartë të re. Për të mos bërë askënd të dyshonte, ai gjithashtu kishte menduar të shkonte të tërhiqte paratë jo në një ATM në Londër, qyteti i tij i banimit, por të bënte udhëtimin për në Leicester. Dhe për pesë javë gjithçka shkoi normalisht, duke e lejuar atë t’i jepej jetës së mirë. Ndër shpenzimet e asaj periudhe janë në fakt udhëtimet në Ibiza me qëndrim gjatë natës në hotele luksoze, blerje në butikë veshjesh, por edhe drekat e darkat e ushqimeve të shpejta.
Dhe fakti që u desh kaq shumë kohë për të zbuluar gjithçka e vë në dyshim Mick Neville, një ish-oficer i Policisë Metropolitane të Londrës: “Gjëja absurde është që dikush mund të shpenzojë 175,000 stërlina në një kartë krediti pa e vërejtur personi i mashtruar. Pse duhet që një futbollist i klasit botëror të shpenzojë paratë e tij për ushqime të shpejta? Bankat zakonisht vërejnë menjëherë nëse ndonjë shpenzim është i dyshimtë, por shumat ndoshta ishin aq të ulta sa askush nuk i vuri re”. Me pak fjalë, plani i Sharif Mohamed ishte pothuajse perfekt. Dhe mbase Mahrez nuk do të nervozohet shumë për faktin që humbi pagën e një jave.