E ardhmja e Edin Dzeko te Roma është në dyshim të fortë dhe nëse boshnjaku do të largohet nga kryeqyteti, verdhekuqtë do të hidhen menjëherë në kërkim të një sulmuesi të rëndësishëm. Në këtë kuptim, sipas asaj që shkruan ‘Repubblica’, emrat e preferuar janë ata të Mauro Icardi dhe Sergio Aguero. Dy emra me peshë për të garantuar se Roma nuk do të humbasë asgjë përpara nëse Dzeko e mbyll aventurën e jashtëzakonshme në kryeqytet.
Ish-sulmuesi i Inter, me Pochettinon ka rigjetur fanellën titullare por mund të paketojë valixhet në verë, ndërsa Kun do të shkojë në skadencë kontrate dhe do të ishte një mundësi transferimi falas e shkëlqyer. Në këtë rast ka vetëm një problem, për argjentinasin janë vënë në listë klubet më të rëndësishme Europiane dhe konkurenca për Romën në këtë aspekt është e pamëshirshme.