Nëse ka një ditë që mund të konsiderohet e paharrueshme për Pippo Inzaghin, ajo është e diela në të cilën mposhti Juventus. Një ndërmarrje e pamenduar, aq sa trajneri i Beneventos për pas ndeshjes kishte gati intervistën për mënyrën e humbjes… Por kjo është paparashikueshmëria e futbollit dhe në vend të një rezultati që dukej i shkruar në prag doli befasia e madhe e ditës. Shumë mesazhe të ardhura në adresë të trajnerit të Beneventos pas goditjes në Allianz Stadium kundër Juventus, por elozhi më i bukur erdhi personalisht: “Agnelli erdhi në dhomën e zhveshjes pas ndeshjes, donte të më përshëndeste dhe të më uronte. U tregua një zotëri i vërtetë. Pasi ke humbur kundër Beneventos, ndoshta dëshiron të largohesh nga stadiumi menjëherë”, tha Inzaghi në një intervistë për ‘Corriere della Sera”.
Ish-sulmuesi ka rrëfyer në fund edhe bisedën pas ndeshjes me mikun e tij Pirlo dhe këshillën “të qendrojë i qetë, sepse edhe unë kam kaluar momente të vështira”. Për Inzaghi gjithçka është mbyllur për titullin kampion: “Interi tashmë ka fituar”. Pippo është shumë i përqendruar në titullin e tij, arritjen e shpëtimit. E ardhmja mund të presë: “Unë thjesht po mendoj vetëm për atë që duhet të fitojmë me Beneventon, pastaj do të flasim. Por këtu jam mirë.”