• |
ide | kryesore

Grida Duma padit Veliajn për shpifje: Dëmi shkon deri në 3 milionë lekë të reja

-Instant, Lajme, Të fundit

Kandidatja e PD në zgjedhjet e 25 prillit, Grida Duma, ka paditur sot në Gjykatën Penale kryebashkiakun e Tiranës, Erion Veliaj.


Në një deklaratë jashtë gjykatës, Duma tha se e ka paditur Veliajn për shpifje dhe sipas saj dëmi i parashikuar do të shkojë deri në 3 milionë lekë të reja.


Në padinë e Dumës thuhet se “Shtetasi Erion Veliaj ka ngritur një sërë akuzash të drejtpërdrejta, duke e akuzuar znj. Duma si trafikante apartamentesh . Deklarata të tilla përveçse janë trillime shpifëse, bëhen duke përdorur një terminologji kriminale pikërisht për t’i bërë më të rënda për publikun”.

“Dëmi i parashikuar do të shkojë deri në 3 milionë lekë të reja. Në varësi të vendimit të gjykatës, unë deklaroj se ky dëm do t’i shkojë shtetit shqiptar dhe askujt tjetër. Ajo që duhet të përmendim qartë dhe pastër është se drejtësia është më e rëndësishmja sot për të rindërtuar Shqipërinë”, tha mes të tjerash Duma.

Më tej, në padinë e Dumës theksohet se “… liria e shprehjes dhe e informimit është e garantuar dhe e mbrojtur nga ligji për këdo, por kjo liri mund t’u nënshtrohet kufizimeve ose sanksioneve të parashikuara me ligj në rastet kur (veç të tjerash) prek moralin, nderin, dinjitetin dhe të drejtat e të tjerëve. Parashikimi në Kodin Penal i veprave penale të fyerjes dhe shpifjes dhe sanksionet që ato përmbajnë, janë pikërisht masat që me ligj janë marrë për mbrojtjen e nderit dhe dinjitetit të personit.”

7 Comments

  1. Keta te pd jan te gjith te paster dhe te kulluar. Puna eshte se cfar do bejm me keta te korruptuarit e ps.
    Ahhh thuaj na ka gjet belaja me keta politikanet tan. Eshte per tu cuditur se si len punet e tyre te mire paguara. Dhe duan te behen deputet me rroga sa 1/3 e atyre qe marin. Kaq shume na duan valle??

  2. Partia Demokratike ka vjedhur numrat e telefonit të qytetarëve. Këtë e vërtetojnë mesazhet që PD po u nis qytetarëve që nuk kanë dhënë kurrë numrin e tyre në selinë blu.

    Në rrjet shumë qytetarë shkruajntë të shqetësuar për mesazhet që u shkojnë nga PD, duke thënë se të dhënat e tyre janë vjedhur.

Lini një Përgjigje

Adresa juaj email s’do të bëhet publike.

Kthehu