Lajm i mirë për llogaritë e Inter. Në orët e ardhshme, Interi do të zgjidhë çështjen e pagave dhe do ti paguajë Real Madrid këstin e parë prej 10 milion eurosh për Hakimin. Lëvizje e rëndësishme për Suning, që me zhbllokimin e transferimeve nga Nanjing do të largojnë çdo problem me UEFA-n. Përveç kësaj, mund të kthehet së shpejti në Milano edhe Steven Zhang.
Në detaje, të martën, lojtarët duhet të marrin pagën e muajit janar, ndërsa deri më 31 mars klubi zikaltër do të mbajë fjalën e dhënë Realit për çështjen Hakimi, duke zgjidhur një situatë që ditët e fundit po bëhej me të vërtetë torturuese.
Pagesat që konfirmojnë angazhimin e Suning të paktën deri në fund të sezonit, me synimin për të arritur të paktën një objektiv të rëndësishëm për të tërhequr vëmendjen e disa investitorëve që mund ti japin frymë arkave të klubit dhe të hyjnë tek Inter si aksioner të pakicës. Alternativë mbetet gjithnjë mundësia e shitjes së aksioneve të shumicës, por vetëm me një ofertë prej të paktën një miliard euro. Në pritje të përcaktojë të ardhmen e aksioneve të klubit, Suning pastron llogaritë për të shmangur çdo ndërhyrje nga Nyon dhe për të garantuar pjesëmarrjen në Kupat.