Nuk erdhi ende firma e Zlatan Ibrahimovic në tabelën e golashënuesve, në fitoren e Suedisë 0-3 në Kosovë, por është sikur të ishte. Sepse Ibra shkëlqen edhe në kombëtare. Pasi dha një asist (spektakolar) në ndeshjen me Gjeorgjinë, Zlatan u rikonfirmua. Sulmuesi suedez ka magjepsur me një perlë të vërtetë për golin e 1-0 të Augustinsson: një asist me takë që e bëri Ujkanin të kapsalliste sytë.
Dy assist në tre golat e Suedisë, një prej të cilëve habiti Ujkanin për mënyrën e realizimit, por që ajo goditje me takë është aq zakonshme për Ibran: “I kam thënë atyre, unë nuk kam, nevojë të shënoj gola, e bëra timen. Ndihmova shokët e skuadrës të shënojnë, kështu që mund ti afrohen rekordit tim,” ka thënë lojtari i Milan për mediat suedeze, duke aluduar për statusin e tij si shënuesi më i mirë në historinë e nordikëve me 62 gola.
Dy ndeshje pas rikthimit të tij në ekipin kombëtar, pas tërheqjes 5 vjet më parë, Ibrahimovic është shprehur se ndihet “shumë më mirë” dhe më i lidhur me shokët e skuadrës. “Sa më tepër ditë kaloj, aq më mirë i njoh, Brenda dhe jashtë fushës. Ndeshja me Kosovën shkoi mirë në përgjithësi, jo vetëm për mua e Isak,” tha shtatlarti duke iu referuar shokut të tij të sulmit. Duke e krahasuar me ndeshjen e parë, fitorja 1-0 kundër Gjeorgjisë, ‘Ibra’ e ka konsideruar një “performancë të mirë”, me skuadrën më solide dhe të aftë të krijonte më shumë raste për gol.
???? ????????? ??????
Zlatan Ibrahimovic produced an excellent backheel flick to set up Sweden's opener in their 3-0 win in Kosovo. The first consecutive assists in FIFA World Cup Qualifiers games since 2012.#WCQDiMolaTV pic.twitter.com/6KmRgRjxfm
— MolaTVSports (@MolaTVSports) March 29, 2021