Një rast tjetër racizmi në Angli. Trent Alexander-Arnold dhe Naby Keita ishin viktima të intolerancës sociale dhe ekipi i tyre, Liverpool, ndërhyri menjëherë në mbrojtje të lojtarëve me një postim. Episodet, të vecuara, i referohen përgjigjeve në fotot e postuara nga dy lojtarët në këto ditë. Përgjigje me emoji majmun. Ndërsa Facebook, kontrolluesi i Instagram-it, raportoi se një hetim tashmë është hapur për të gjetur autorët, një deklaratë me tone të qarta u shfaq në kanalet zyrtare të Liverpoolit.
“Edhe një herë ne e gjejmë veten tonë duke diskutuar me keqardhje abuzimin racist të neveritshëm, mëngjesin pas një ndeshje futbolli (mbrëmë Reds humbën 3-1 në Madrid, kundër Real, ndeshja e parë e çerekfinaleve). Është absolutisht e papranueshme dhe duhet të ndalet. Liverpool dënon të gjitha format e diskriminimit dhe vazhdon të punojë me partnerët tanë të përfshirjes përmes iniciativës Red Together. Si klub, ne do t’u ofrojmë lojtarëve tanë të gjithë mbështetjen e nevojshme. Do të punojmë gjithashtu me autoritetet përkatëse për të identifikuar dhe, nëse është e mundur, për të ndjekur penalisht personat përgjegjës. Ne e dimë që kjo nuk do të jetë e mjaftueshme derisa platformat e mediave sociale dhe organet rregullatore që i drejtojnë ato të marrin masat më të forta parandaluese të mundshme. Situata aktuale nuk mund të lejohet të vazhdojë dhe na takon të gjithëve që të sigurohemi për këtë”.