Vetëm 7 farmacistë kanë marrë vaksinën anti-Covid në Lezhë, 6 prej të cilëve për shkak të moshës.
Farmacistët kanë hezituar të kryejnë vaksinën.
Mësohet se 6 nga farmacistët plotësonin fashën moshore mbi 70 vjeç. Ata e kanë bërë Pfizer më herët në Shkodër.
Ndërsa nga dita e djeshme deri mesditën e së enjtes në qendrën e vaksinimit në Lezhë ka marrë dozën e Sinovac vetëm kjo farmaciste.
Argentina Ndreu ka dyshime për efektivitetin e vaksinës kineze dhe thotë se u detyrua ta bënte për shkak se vuan nga sëmundje kronike.
“Një pjesë kanë bërë Pfizer në Shkodër. Edhe unë kërkova të bëj të njëjtën vaksinë, por e kanë ndërprerë dhe kanë dërguar kinezen.
Vaksinën kineze e bëra sepse kam probleme shëndetësore. Por qytetarët hezitojnë ta bëjnë kineze sepse nuk është e certifikuar nga EMA”, tha ajo.
Kjo infermiere është e indinjuar pasi e quan të vonuar vaksinimin e kësaj kategorie.
“Farmacistët dhe dentistët i lanë pas dorë. Vaksinën fillimisht e bënë të moshuarit, s’mund të bëjë 90 vjeçari para farmacistëve që janë gjithë kohës në kontakt. Ministria e Shëndetësisë duhet bënte këtë favor, siç bëri vaksinimin tek mjekët e infermierët, duhet të vaksinonte edhe farmacistët e stomatologët me vaksinën Pfizer”, shtoi më tej Ndreu.
lapsi si su lodhet nje dite, sikur te jeni ju ne fushate elektorale
Lapsi nuk lodhet sepse eshte bere zeri i qytetareve dhe ka bere opozite sa opozita. Duke e ditur
se te njejten qendrim kane mbajtur edhe ndaj qeverise se meparshme ,kjo e ben dyfish me te
lexuar dhe me te besueshem ne analizat qe ben. Falemnderit Lapsi.
Une e lexoj kete portal per tu argetuar mbasi shoh se deri ku shkon injoranca e ndjekeve te saj.
lum si ti qe argetohesh kaq shpejt.
Po te Tema e Meros, prishesh shpejt?