Gjashtë persona janë arrestuar në Tiranë në 24 orët e fundit për vepra të ndryshme penale.
Mes tyre, një 24-vjeçari iu gjet një sasi lëndë kanabisi në banesë, ndërkohë një tjetri kokainë në mjet. Një 21-vjeçar u arrestua në Vorë për vjedhje, ndërkohë për në rrugën ‘’Veli Vedi’’ pas një sherri të dhunshëm janë shpallur në kërkim dy autorët që goditën me thikë e sende të forta dy të tjerë.
Një 27- vjeçar më tej u arrestua pasi drejtonte mjetin pa leje përkatëse ndërsa edhe dy të tjerë u kapën duke i dhënë mjetin në gjendje të dehur.
Detaje nga policia:
Arrestohen në flagrancë 6 shtetas, për vepra të ndryshme penale.
Specialistët për Hetimin e Narkotikëve bënë arrestimin në flagrancë të shtetasve :
A.L., 24 vjeç, pasi gjatë kontrollit fizik dhe të banesës së tij iu gjet dhe iu sekuestrua në cilësinë e provës materiale një sasi me lëndë të dyshuar kanabis. Në vijim të veprimeve u procedua në gjendje të lirë shtetasi R. Xh., për veprën penale “Moskallëzim i krimit” ;
K.B., 29 vjeç, pasi sherbimet e Forcës së Posaçme “Shqiponjat” kanë ndaluar për kontroll mjetin me drejtues A. D., dhe pasagjer shtetasit K. B dhe K. H. Gjatë kontrollit fizik të shtetasit K.B., iu gjet dhe iu sekuestrua në cilësinë e provës materiale një sasi me lëndë të dyshuar kokainë. Në vijim të veprimeve u procedua në gjendje të lirë edhe shtetasit A. D dhe K. H., për veprën penale “Moskallëzim i krimit”.
Nga specialistët e Komisariatit të Policisë Vorë u bë arrestimi në flagrancë i shtetasit E. L., 21 vjeç, për veprën penale “Vjedhja”.
Specialistët e Qarkullimit Rrugor bënë arrestimin në flagrancë të shtetasve :
E.Sh., 27 vjeç, pasi u kap duke drejtuar mjetin pa lejen përkatëse ;
L.G., 53 vjeç dhe Xh. K., 28 vjeç, pasi u kapën duke drejtuar mjetet përkatëse në gjendje të dehur.
Më datë 08.04.2021, u referuan materialet në Prokurorinë pranë Gjykatës së Shkallës së Parë Tiranë, dhe punohet për kapjen e shtetasve B. I(B)., 29 vjeç, dhe M. B., (B), 26 vjeç, sepse në rrugën “Veli Dedi”, për motive të dobëta, kanë goditur me mjet prerës (thikë), shtetasin V. Ç, 34 vjeç, dhe me sende të forta shtetasin E. Sh., të cilët ndodhen në spital, jashtë rrezikut për jetën. Punohet për kapjen dhe shoqërimin e tyre.
Materialet i kaluan Prokurorisë, së Rrethit Gjyqësor Tiranë, për veprime të mëtejshme.