Karim Benzema iu deshën vetëm 13 minuta për të vënë firmën e tij në Real Madrid-Barcellona: sulmuesi francez, kapiteni i Blancos, krosimin e Lucas Vazquez e transformoi në gol me një finte perfekte që befasoi ter Stegen në shtyllën e parë. Një gol spektakël për tu parë, por që në Spanjë kanë shpejtuar të pretendojnë se duhej anulluar.
Fede Valverde theu linjat e Barcelonës, shërbeu për Lucas Vazquez në krahun e djathtë. Benzema i shkoi ndesh krosimit të spanjollit, duke e dërguar topin nën dorezat e Marc-Andre ter Stegen në shtyllën e parë, me një goditje me takë. Sipas rindërtimit që bën Marca, aksioni duhej ndaluar që në nisje, sepse më parë ka patur një faull ndaj Lionel Messi. E në fakt, menjëherë sapo është shënuar goli, futbollistët e Barcelonës janë ankuar tek arbitri Jesus Gil Manzano për një ndërhyrje të gabuar të Lucas Vazquez ndaj Lionel Messi në anën tjetër të fushës. Goli megjithatë i është dhënë Benzema, realizimi i tij i parë në një LaLiga Clasico që nga prilli 2016 në fitoren 2-1 të Blancos në Camp Nou.
Nuk është pretendimi i vetëm, sepse në fakt katalanasit janë ndjerë të vjedhur në Klasike, duke pretenduar për tre penallti të padhëna, në ndeshjen kundër Real Madrid: në minutën e 38 Dembele rrëzohet në zonë, i kontrastuar nga Mendy, por gjyqtari Gil Manzano vazhdoi lojën, duke e konsideruar ndërhyrjen të rregullt. Në fillimin e pjesës së dytë, në zhvillimet e një goditje këndi, Casemiro ndërhyn ndaj Lenglet në zonën e Realit, që për arbitrin është e rregullt. Episodi i fundit, ishte ai me protagonist Mendy, që pengoi Breathëait, me sulmuesin që nuk vazhdoi dot aksionin, por sërisht pa u sanksionuar nga arbitri i ndeshjes.
Penalty sobre casimito por empujon y por poner lenglet la bota debajo de sus tacos. pic.twitter.com/5ywGQn6SP8
— caballo_lokko (@caballo_lokko) April 10, 2021