Për plagosjen e trefishtë që ndodhi mesditën e djeshme në Mamurras, është arrestuar efektivi i policisë David Madani. Për ngjarjen janë arrestuar po ashtu dhe shtetasit Gjon Fufi, Nikoll Fufi ose ndryshe Nikoll Vorfi, si dhe Rudolf Fufi.
Si pasojë e përplasjes me armë që ndodhi dje në qendër të Mamurrasit mbetën të plagosur efektivët e Policisë Ilir Zekaj dhe Flamur Lleja, si dhe vetë Nikoll Vorfi (Fufi). Të tre të plagosurit u dërguan dje në spitalin e Traumës në Tiranë, për trajtim më të specializuar mjekësor.