Epoka e Tottenhamit post Mourinho fillon me një fitore në Premier League: Spurs, në fakt, fitojnë 2-1 në shtëpi dhe me përmbysje kundër Southampton dhe mbetet në kontakt me zonën Champions, tani vetëm dy pikë larg. Saints kaluan në epërsi në minutën e 30 me goditjen me kokë të Ings, në zhvillimet e një goditje nga këndi, por në pjesën e dytë Bale shënoi golin e barazimit në minutën e 60, ndërsa në minutën e 90 Son përfundoi misionin duke kthyer në gol një penallti.
Londinezët kërkonin të tregonin se largimi i trajnerit nuk kishte lënë trauma në skuadër dhe në fakt Spurs mbajtën një zotërim topi të pazakontë për skuadrat e Mourinhos: 62% për Tottenham, që në gjithë parametrat e tjerë nuk arriti të dominojë përballë një kundërshtari që mbajti fort fushën dhe goditi me Danny Ings pas gjysëm orë lojë. Shkëputja me kokë e sulmuesit, përfundon në këndin e largët të Lloris, që nuk shmang dot golin.
Spurs reaguan dhe e bën me Gareth Bale, që shënoi një gol në kënd gati të pamundur, duke e dërguar topin mes lojtarëve mbrojtës, aty ku portieri i Southampton nuk mundi të arrinte. Një barazim në minutën e 60 që karikoi londinezët, në presing për të kryer përmbysje. Mision që i shkoi fare pranë në minutën e 75 kur Son, brenda zonës shënoi golin e dytë. Gëzimi i koreano-jugorit megjithatë u shua nga VAR që dalloi një pozicion jashtë loje të Lucas Moura, në rrezen e portierit në këndvështrimin e arbitrit.
E megjithatë, kur u duk se nuk kishte më shpresë, një penallti i hapi rrugën e golit Son dhe atë të fitores Tottenham, që mbërrin me 53 pikë, vetëm dy pikë larg vendit të katërt të Chelsea e tre nga Leicester, por që duhet ende të luajnë.