Roma u shemb në Cagliari duke shkaktuar zemërimin shoqëror të tifozëve të saj, por përpara gjysëmfinales së të enjtes në Europa League, as tek Manchester United situata nuk është e mirë. Djajtë e Kuq barazuan 0-0 në Leeds, duke ia dorëzuar praktikisht kushërinjve të City trofeun e Premier League. Por si për ta agravuar situatën, gjatë ndeshjes pati një grindje të dhunshme në fushë mes kapitenit Harry Maguire dhe Fred.
Mbrojtësi, i cili kohët e fundit ishte protagonist i një grindje të ashpër edhe me Marcus Rashford (“Mbylle gojën, kokë k**i!”), ka debatuar me mesfushorin brazilian në pjesën e dytë të ndeshjes së djeshme kundër Leeds. Sipas informacionit të raportuar nga shtypi anglez, tonet janë ngritur menjëherë, me kapitenin e Djajve të Kuq që ka fyer rëndë shokun e tij të skuadrës: “Je një idiot, kokë k**i”.
People last night bigging Rashford up for this, sorry but I disagree he's the Captain FFS.
— ?? MUHQ ?? (@ManUtd_HQ) March 4, 2021
Pas ndeshjes me klubin e Bielsas, Solskjaer u përpoq të minimizonte incidentin në konferencën për shtyp (“Kemi një grup kërkues, të gjithë presin shumë nga shokët e tyre të skuadrës. Kërkesat janë të larta, si në trajnim ashtu edhe në ndeshje”), por sigurisht që në dhomën e zhveshjes të anglezëve tensioni është i dukshëm dhe Roma do të përpiqen ta shfrytëzojë.