Një palë atlete prototip i ‘Nike’ të veshur nga Kanye West gjatë paraqitjes së tij në Grammy Awards në vitin 2008 ka thyer rekordin për atletet më të shtrenjta të shitura ndonjëherë.
Sotheby’s njoftoi të hënën se atletet e ashtuquajtura ‘Grammy Worn’ West Nike Air Yeezy 1 arriti shifrën e 1.8 milion dollarëve (1.49 milionë euro) në një shitje private nga RARES, një ankand i atleteve. Shitja shënon çmimin më të lartë të regjistruar publikisht për shitjen e një palë atleteve dhe çiftin e parë të atleteve që arrin në një milion dollarë. Sotheby´s ndërmjetësoi shitjen private.