Varianti indian i virusit Covid-19 është zbuluar në të paktën 17 vende në botë. Ky është zbulimi i fundit Organizata Botërore e Shëndetësisë, në buletinin e saj javor mbi pandeminë. Mutacioni i virusit që po gjunjëzon Indinë dhe deri më tani të panjohur, i quajtur ndryshe varianti B.1.617, është zbuluar në mbi 1 200 sekuenca të ngarkuara në bazën e të dhënave ndërkombëtare Gisaid, tregon OBSH. Vendet ku është zbuluar më shpesh janë India, Shtetet e Bashkuara, Mbretëria e Bashkuar dhe Singapori, por edhe në Belgjikë, Zvicër, Greqi dhe Itali.
Varianti B.1.617, i cili ka një numër të “nënvarianteve” deri më tani është klasifikuar si një mutacion “me interes”, por ende jo “shqetësues”, i cili do ta etiketonte atë si më të rrezikshëm se virusi origjinal, pasi është më ngjitës, më vdekjeprurës, ose rezistent ndaj vaksinave.