Është arrestuar një nga tre grabitësit që dy ditë më parë arritën ti marrin një shumë parash një punonjësi “Exchange” në rrugën e Kavajës në Tiranë. Ngjarja ndodhi më datë 4 maj në rrugën “Mihal Duri”, ku 3 shtetas i vodhën me dhunë 3.000.000 lekë të rinj, punonjësit të një pike valute.
Mësohet se në pranga ka rënë Roni Spaho 22 vjeç, i dënuar më parë për vjedhje. Spaho i ka ndihmuar dy personat e tjeret duke i informuar për lëvizjet e të dëmtuarit. Gjithashtu u shpallën në kërkim shtetasit M. Gj., 26 vjeç, i dënuar më parë për vjedhje dhe M. B.(B)., 26 vjeç, i dënuar më parë për plagosje të rëndë.