• |
ide | kryesore

BKH nis punën nga java e ardhshme me vetëm 28 hetues

-Instant, Arkiva, Lajme, Të fundit



Nga java e ardhshme do të emërohen zyrtarisht hetuesit e rinj të Byrosë Kombëtare të Hetimit.

Vetëm 28 prej kandidatëve kanë arritur të kalojnë me sukses të gjitha etapat e testimit, ndërsa institucioni i ri në kuadër të organeve të reja të drejtësisë duhet të ketë 60 hetues.

“SPAK dëshiron të urojë 28 kandidatët për hetues, të cilët përfunduan me sukses muajin e parë të trajnimit bazë dhe duke filluar nga java tjetër do të emërohen zyrtarisht si hetues të BKH-së.

Rrugëtimi i tyre filloi me procesin e përzgjedhjes gjatë muajit Tetor 2020 dhe ka përfshirë teste të logjikës së arsyetimit, testin fizik, hartimin e esesë, intervistën e strukturuar, si dhe një verifikim të gjerë tëfigurës.

Me përfundimin e kësaj faze të parë, ne presim me padurim që ata të vijojnë me sukses fazat e mëtejshme të trajnimit, të cilat do të përfshijnë: “Trajnimin për Armët, Sigurinë dhe Aftësitë e Mbijetesës”; Trajnimin me Drejtorinë Italiane të Hetimit dhe Antimafias (DIA); si dhe Trajnimin me Byronë Federale të Hetimit SHBA-ve (FBI).

SPAK, gjithashtu ju uron sukseset më të mira të gjithë atyre shtetasve shqiptarë që kanë dorëzuar së fundi aplikimet e tyre për të qënë pjesë e grupit të dytë të hetuesve të BKH-së.” – thuhet mes të tjerash në njoftimin e SPAK.



1 Comment

  1. Pra ‘ BKH do filloje pune ME VETEM 28 hetues ‘ ..
    Pra ka deshtuar ky proces se ka VETEM 28 hetues.

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *