Një aksident i rëndë ka ndodhur në Bulqizë, ku është shembur galeria në minierën e Martaneshit. Si pasojë e një rrjedhje gazi në galerinë 40, dyshohet se ka disa minatorë të bllokuar. Disa prej minatorëve kanë mundur të dalin ndërkohë që vijon puna për nxjerrjen e të tjerëve.
Në momentin e shpërthimit të gazit kanë qenë duke punuar në minierë rreth 20 minatorë. Mësohet se 2 minatorë kanë mbetur të plagosur, njëri prej të cilëve në gjendje të rëndë është nisur drejt Tiranës me helikopter. Autoritetet lokale kanë kërkuar ndihmë nga Dibra dhe Burreli.