Një ngjarje e rëndë u shënua në një minierë në Martanesh dje. Si pasojë e çlirimit të gazit humbi ndjenjat dhe u transportua në spitalin e Traumës në Tiranë një minator, si dhe tre të tjerë u dërguan në spitalin e qytetit. Një ditë pas ngjarjes, policia e Dibrës njofton se për ngjarjen ka filluar procedimi penal në gjendje të lirë për një 53 vjeçari, për veprën penale “Shkelje e rregullave të mbrojtjes në punë”.
“Në vijim të ngjarjes së ndodhur ditën e djeshme, ku në një galeri në Batër të zonës Martanesh, mbetën të asfiksuar disa punëtorë, në përfundim të veprimeve të para hetimore nga specialistët për Hetimin e Krimit në Komisariatin e Policisë Bulqizë, filloi procedimi penal në gjendje të lirë për shtetasin SH. E., 53 vjeç, banues në Klos, për veprën penale “Shkelje e rregullave të mbrojtjes në punë”, njofton policia.
EJ PO MIRE NUK PROCEDOHET PERGJEGJESI LIGJOR I SUBJEKTIT PSE LEJON PUNONJESIT TE PUNOJNE PA MJETE MBROJTESE POR PROCEDOHET NJE ING NDOSHTA OSE NDONJE PERGJEGJES SEKTORI QE I SHKOJNE LITAR NGA SHEFI.