Derbi i Londrës shkon për Arsenal, që kthen me këmbë në tokë Chelsea e Tuchel. Blues pasi mundën kampionët e Manchester City, janë dorëzuar përballë Gunners, duke u mundur 0-1, në një ndeshje që komplikon zonën Champions për Chelsea, tani nën presionin e West Ham. Vendosi ndeshjen një gol i Emile Smith-Rowe, ndërsa një tjetër është anulluar me VAR si për ti shtuar adrenalinë derbit.
Arsenal ia doli të triumfojë 1-0 përballë Chelsea në javën e 36 të Premier League. Në Stamford Bridge vendosi goli i Smith-Rowe në minutën e 16’, favorizuar nga një gabim i rëndë i Jorginho: mesfushori gaboi pasimin prapa duke nisur aksionin e golit. Blues mund të kishin barazuar rezultatin në minutën e 61’ me golin e Pulisic, por Var anulloi për pozicion jashtë loje. Në fund Arsenal rezistoi, e mori një fitore që e bën të shpresojë akoma tek Europa.