Italia ka njoftuar përfundimin e mini-karantinës pesë-ditore të vendosur deri më tani për pasagjerët nga vendet e Bashkimit Evropian, me synimin për të ringjallur sektorin e turizmit.
Hyrja nga vendet e BE-së, Britania dhe Izraeli mund të behet vetëm me një test negativ. Masa do të hyjë në fuqi të Dielën.
Italia mbështetet shumë tek turistët e huaj për rimëkëmbjen e saj ekonomike, pasi sektori i turizmit përbën rreth 13% të PBB-së së saj.
Ndërkohë që kufizimet për udhëtarët nga Brazili do të qëndrojnë në fuqi, sipas të njëjtit protokoll, duke ndaluar hyrjen në Itali përveç rasteve specifike të përcaktuara.