Përpara së bashku, tani ose kurrë! Momenti i takimit Conte-Zhang po afron, me të vërtetë tashmë dhe ajo që do të jetë e ardhmja e Interit do të zbulohet haptazi. Ekipi kthehet në punë për t’u përgatitur për festën e mbylljes së vitit kundër Udineses dhe kështu, Conte kthehet në Pinetina ku do të mbahet samiti i shumëpritur, që është shtuar edhe me Marotta, Antonello dhe Ausilion. Me pak fjalë, në të gjithë drejtuesit e Interit.
Sigurisht, Presidenti Zhang do të shpjegojë kushtet e hyrjes së fondit amerikan Oaktree, oksigjen për arkat zikaltër me 275 milion eurot dhe garanci (një fjalë shumë e përdorur në këto ditë) për të tashmen e të ardhmen e afërt. Një garanci për të qenë në gjendje të respektojë detyrimet më të afërta, por gjithashtu një garanci për të vazhduar të besojë në një projekt që tashmë ka rezultuar i suksesshëm. Të qendrojnë emrat e mëdhenj, para së gjithash, dhe vazhdimi i investimeve në mënyrë inteligjente në treg.
Nuk ka siguri, absolute dhe të pakundërshtueshme, kjo është e sigurt. Sidoqoftë, ndjesitë janë pozitive. Të gjithë duan që titulli i 19-të të jetë vetëm një pikënisje, në ndërgjegjësimin se pandemia ka krijuar shumë probleme, por që rifillimi së bashku është i leverdisshëm për të gjithë. Topi është tani në këmbët e Steven Zhang. Tifozët e Interit shpresojnë se ai do ta shfrytëzojë mirë sepse Antonio Conte nuk është thjesht një trajner. Në të vërtetë, ai është garancia e parë për një të ardhme të suksesshme.