Festa e kampionatit të fituar nga Atletico Madrid është kthyer në një tragjedi. Siç raportohet nga shtypi spanjoll, një djalë 14-vjeçar vdiq pasi u përplas me murin e një parkimi në Plaza de Santa Ana, ndërsa ekzaltohej jashtë dritares së një makine. Urgjenca e Madridit raportoi se 34 persona kishin patur nevojë për ndihmë për dëmtime të ndryshme të shkaktuara nga rënie, goditje, prerje dhe dehje nga alkooli. Dhe shtatë prej tyre kërkuan një transferim në spital.
Mijëra tifozë të Atleticos u mblodhën të shtunën në mbrëmje rreth ‘Fuente de Neptuno’ për të festuar titullin kampion pas fitores 2-1 në Valladolid. Një det turmash në pandemi të plotë, pavarësisht masave të policisë dhe kërkesave nga të dy klubi dhe kryetari i bashkisë së kryeqytetit, Josè Luis Martínez-Almeida, i cili kishte nisur një seri thirrjesh. “Unë jam i pari që e kuptoj dëshirën për të festuar, por kjo nuk është koha. Virusi është akoma mes nesh, le të mos e hedhim poshtë punën e këtyre muajve”, shkroi Kryetari i Bashkisë së Madridit në Tëitter. Festa zgjati deri në orët e para të mëngjesit dhe nuk ishte e mundur të respektohej distanca e sigurisë për shkak të numrit të tifozëve që u mblodhën para monumentit të Madridit.