Fat i keq për Ferrarin e Charles Leclerc, i cili nuk do të marrë pjesë në GP të Monakos. Pasi shmangu penalitetin prej 5 pozicionesh për ndryshimin e kutisë së marsheve, piloti nga principata pati probleme gjatë xhiros së ngrohjes së motorit dhe u detyrua të kthehej në box. SF21, pas kontrolleve të nevojshme, nuk mund të vazhdonte më, duke e detyruar Leclerc të tërhiqej përfundimisht nga gara.
BREAKING: Leclerc will NOT start the race #MonacoGP ?? #F1 pic.twitter.com/MUzhzp38a1
— Formula 1 (@F1) May 23, 2021
“Jo djema, marshet”. Me këto fjalë, gjatë xhiros së ngrohjes Leclerc komunikoi anomalinë stafit të tij në box. Momente të trazuara, nga kthimi për kontrollet e nevojshme në skuderi ku u vëzhgua me përpikmëri pjesa e pasme e SF21 të numrit 16, deri kur u mësua se nuk mund të vazhdonte më. Në fillim u mendua hipoteza që të fillonte nga korsia e pit lane, pastaj vendimi për të mos rrezikuar dhe për të lënë Ferrarin në boxe.
Momente dramatike e dëshpërim për Leclerc i cili i la vendin e parë në start Max Verstappen, me Bottas që ngjitet në rreshtin e parë. Vendi i tretë në nisje për Ferrarin tjetër të Sainz i cili ka gjithë peshën e skuadrës mbi supe për të lënë mënjanë zhgënjimin e shokut të tij të skuadrës.