Kandidati i dytë në listën e Shkodrës për Partinë Social Demokrate, Gledis Çeliku humbet mandatin e deputetit. Çeliku i cili pasonte Doshin në listë, nuk ka mundur të marrë mandatin, pasi nuk ka dorëzuar formularin e dekriminalizimit. Kandidati do të zëvendësonte Doshin në Parlament për periudhën vakante maj-shtator, deri në nisjen e legjislaturës së re 2021-2025.
Tashmë mandati i Doshit në Shkodër do ti kalojë në bazë të ligjit kandidatit tjetër në listë, ndërsa kundër vendimit, kandidati ka tre ditë kohë për ankimim në KAS.