Një punonjës i Ujësjellësit të Delvinës është gjetur i pajetë në mjediset e punës. Policia njofton se viktima është shtetasi Luan Mushi, 50 vjeç. Punonjësi është gjetur mëngjesin e sotëm pranë depos së ujit në Bamatat në bashkinë Delvinë.
Sipas informacioneve të para, Mushi kishte shkuar te depoja e ujit për të hapur ujin në orarin e përcaktuar. Ka qenë vonesa e kthimit të tij në shtëpi që shkaktoi shqetësimin e familjarëve, të cilët kanë shkuar për ta kërkuar dhe e kanë gjetur të pajetë.