“Jam shumë i lumtur te Juve. Edhe pse performancat e ekipit ishin më të ulëta se në vitet e mëparshme, unë ndihem mirë në fushë dhe i vlerësuar nga të gjithë. Jam mirë si një peshk në ujë.” Matthijs De Ligt vazhdon ta shohë veten me bardhezinjtë dhe nuk e dëgjon thirrjen (dhe lajkat) e klubeve të tjera: “Nuk e di nëse do të më linin të ikja – tha mbrojtësi holandez nga grumbullimi i ekipit të tij kombëtar, në një intervistë për ESPN – ka shumë klube që kanë probleme financiare por duhet të pyesni shoqërinë. Nuk e di nëse Barcelona interesohet vërtet për mua, por nuk mendoj për klubet e tjera sepse nuk ka kuptim. Askush nuk është paraqitur akoma “.
“Ka qenë një sezon i vështirë fizikisht dhe mendërisht, me ulje dhe ngritje” vazhdoi De Ligt, duke ripërshkruar muajt e fundit me Juven. “Isha jashtë fushe për një kohë të gjatë, pastaj u ktheva, u infektova edhe me Covid. Nëse tre javë më parë do të më thoshin se ne do të fitonim Kupën e Italisë dhe do të kualifikoheshim në Champions League, unë do të isha i lumtur.” Tani vjen Europiani, te Holandë do të formojë dyshen e qendrës me de Vrij: “Kam luajtur tre ndeshje me të dy vjet më parë, ato shkuan mirë dhe jashtë fushës jemi miq të mirë. Mendoj se ne plotësojmë njëri-tjetrin, jemi të ngjashëm, por gjithashtu edhe pak të ndryshëm. Nuk e kam bërë vaksinimin. Nuk është i detyrueshëm. Rreziku i infeksionit është gjithmonë, mundohem të kontaktoj me sa më pak njerëz jashtë ekipit kombëtar hollandez”.