Gjykata e Vlorës ka vendosur masën e detyrim paraqitjes për Ergys Likajn, i cili u plagos me armë zjarri pak ditë më parë dhe nuk tregoi emrin e autorit të krimit. Më vonë u zbulua se personi që e kishte plagosur ishte 18 vjeçari Ersiljo Mataj i cili është shpallur në kërkim nga policia. Pasi u paraqit i plagosur në ambulancën e qytetit të Vlorës, Likaj tha se kishte ndodhur nga pakujdesia e tij dhe se ishte vetë-plagosur, duke fshehur kështu autorin e krimit.
Policia zbuloi se Ergys Likaj ditën e plagosjes kishte qenë në një ambient lokal në Lungomare bashkë me një kushëririn e tij. Kur 18 vjecari E.Mataj ka shkuar në lokal, i ka dhënë një telefon për të folur me dikë tjetër. Dyshohet se Likaj ka folur me dikë që është në burg. Pasi ka rënduar telefonatën, 18 vjecari ka marrë telefonin dhe ka nxjerrë armën duke qëlluar disa herë nga këmbët. Për pasojë Ergys Likaj ka marr dy plumba. 18-vjeçari Mataj pasi e ka qëlluar është larguar.