Emergjencë dëmtimesh për Anglinë vetëm disa ditë para fillimit të Euro 2020. Pasi humbi Trent Alexander-Arnold, i cili tashmë ka lënë grumbullimin e Tre Luanëve për një dëmtim të kofshës, trajneri Gareth Southgate ka frikë se do t’i duhet të heqë dorë edhe nga Jordan Henderson dhe Harry Maguire. Kapiteni i Liverpool me siguri do të humbasë debutimin e tij evropian, të dielën e ardhshme në Ëembley kundër Kroacisë, për shkak të përkeqësimit të një problemi në muskujt e brendshëm të kofshës që e mban me vete për muaj me radhë.
Southgate shpresonte ta kishte atë në dispozicion gjatë gjithë turneut, por tani duket se shanset për rikuperimin e tij të plotë në të ardhmen e afërt janë shumë të vogla. E njëjta gjë vlen edhe për mbrojtësin e Manchester United, një tjetër thirrje në rrezik për trajnerin e Tre Luanëve. Jo vetëm që nuk është kapërcyer dëmtimi i kaviljes në maj, por kontrollet e fundit kanë nxjerrë në pah edhe ndërlikime që rrezikojnë ta mbajnë Maguire larg për disa javë.
Absolutely gutted. pic.twitter.com/LrO6WLV8fD
— Trent Alexander-Arnold (@TrentAA) June 4, 2021
“Absolutely gutted”, ose i “shkatërruar plotësisht”. Me këto fjalë, mbrojtësi anglez Trent Alexander-Arnold ka komentuar në tëitter përjashtimin nga skuadra Southgate për Euro 2020 për shkak të një dëmtimi që do ta mbajë atë larg për gjashtë javë.