Alarm total për Covid në grumbullimin e Spanjës vetëm dy ditë para fillimit të Euro 2020. Pas kapitenit Sergio Busquets, edhe Diego Llorente gjithashtu doli pozitiv në testet e kryera. Një situatë për t’u monitoruar me shumë vëmendje, edhe sepse numri i infeksioneve mund të rritet përsëri në orët e ardhshme. “Është e mundshme që të ketë raste të tjera”, shpjegoi presidenti i Shoqatës Spanjolle të Futbollit Rubiales.
Lajmi për pozitivitetin e Llorente arriti të martën vonë dhe mbrojtësi i Leeds do të detyrohet të humbasë të paktën ndeshjen e parë të kampionatit evropian. Por Spanja nuk është skuadra e vetme e goditur nga Covid, pak orë nga bilbili i parë për të filluar turneun. Gjithashtu Suedia, e përfshirë në të njëjtin grup me Furitë e Kuqe, duhet të merret me pozitivitetin ndaj koronavirusit të lojtarit të Juventus Dejan Kulusevski dhe mesfushorit të Bolonjës Mattias Svanberg.
Spanja dhe Suedia do të duhet të përballen me njëri-tjetrin në 14 qershor në garën e vlefshme për raundin e parë të Grupit E. Ndërkohë, të gjitha protokollet shëndetësore të parashikuara nga rregulloret janë aktivizuar.
? COMUNICADO OFICIAL | Diego Llorente
La RFEF lamenta comunicar que el futbolista internacional Diego Llorente ha resultado positivo en los últimos test PCR realizados esta mañana en la concentración de la Selección en Las Rozas.
ℹ️ Más información: https://t.co/PnD4OaOazC pic.twitter.com/QmMlj5U6sW
— Selección Española de Fútbol (@SeFutbol) June 8, 2021