Një cigare... e një kostum: Lazio zyrtarizon Sarrin në mënyrë unike

Maurizio Sarri është trajneri i ri i Lazios. Pas disa ditësh negociatash, kontrata e trajnerit toskan u nënshkrua me klubin e Claudio Lotitos deri në qershor 2023. Lazio njoftoi trajnerin në mënyrën më të vecantë të mundshme: me një emoji cigare në profilin zyrtar të klubit në Twitter. Sarri merr kështu vendin e Simone Inzaghit dhe kthehet në pankinë pas një viti ndalim, pas shkarkimit nga Juventus, me të cilin fitoi titullin kampion.

?

— S.S.Lazio (@OfficialSSLazio) June 9, 2021

Pas shkëmbimit të të gjitha dokumenteve, marrëveshjes për stafin teknik dhe përcaktimit të detajeve të fundit, ka arritur më në fund edhe firma mbi kontratë: për Sarrin një kontratë dy-vjeçare me tre milion euro në sezon plus bonuse. Pas cigares, në Twitter të Lazios u shfaqën edhe imazhet e një kostumi dhe një banke, duke iu referuar punës së mëparshme të Sarri para se të fillonte një karrierë me kohë të plotë si trajner.