• |
ide | kryesore

Shkarkimi i Ilir Metës, reagon Presidenca: Vendim qesharak i landfillit parlamentar monist

-Instant, Arkiva, Lajme, Të fundit



Vjen reagimi i parë nga Presidenca pas shkarkimit të Presidentit Ilir Meta nga Kuvendi, me 104 vota pro. Zëdhënësi i Metës, Tedi Blushi, shkruan në “Facebook” se nuk ka asnjë surprizë nga ky vendim, ndërsa shton se “Presidenti është zero i shqetësuar nga vendimi antikushtetues dhe qesharak i landfillit parlamentar monist”.

 Zero shqetësim nga vendimi antikushtetues dhe qesharak i landfillit parlamentar monist, që do të hyjë si rast studimor në historinë botërore të parlamentarizmit, se si një Kuvend pa opozitë, që edhe pse është shkarkuar me votë nga populli, voton për shkarkimin e një institucioni tjetër! Asnjë surprizë nga tregtari i kufijve të Shqipërisë dhe të Kosovës, partnerët dhe vasalët e oligarkëve, mafia e inceneratorëve, grabitësit e votave, parave dhe të pronave të shqiptarëve, përfshi edhe torollakët e dobishëm, që nuk bënë gjë tjetër sot, veçse plotësuan edhe hapin e fundit të krimit të rëndë zgjedhor të 25 prillit. Të paktën veç pensionit të përjetshëm, i siguruat edhe për këtë vit një palë pushime qyl! Bravo ju qoftë, që nuk dolët pa gjë nga kjo shëmti! Presidenti i Republikës Sh.T.Z Ilir Meta është më i motivuar se kurrë për mbrojtjen e sovranitetit dhe integritetit të Shqipërisë nga çdo përpjekje e tradhëtarëve, bashkëpunëtorëve dhe tutorëve të tyre, që punojnë prej vitesh kundër vendit tonë, shqiptarëve dhe interesit kombëtar. Një ftesë e sinqertë edhe për kolegët gazetarë: Merruni me gjëra serioze, zbardhjen, hetimin e plotë dhe dënimin e krimeve zgjedhore!



3 Comments

  1. problemi eshte se nga hetimi i zgjedhjeve jan kap me shum bleres te lsi. cudi si nuk ua ka prer doren akoma Like floriri.

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *