• |
ide | kryesore

“Tentativë e Ramës për uzurpimin e Shoqatës së Bashkive”/ PD: Kërkon të tërheqë padinë kundër zgjedhjeve moniste

-Instant, Lajme, Të fundit

Partia Demokratike ka reaguar, përmes një deklarate për shtyp, në lidhje me shkarkimin e djeshëm të kryebashkiakes së Shkodrës, Voltana Ademi nga pozicioni i Kryetares së Shoqatës së Bashkive. Në vend të Ademit, u zgjodh kryetar kryebashkiaku i Lezhës Pjerin Ndreu.


Deputetja e zgjedhur e Partisë Demokratike, Jorida Tabaku ka thënë se kjo është një tentativë e Ramës për të uzurpuar këtë shoqatë. Sipas Tabakut, ky akt është i paprecedentë, antikushtetues dhe antiligjor.


“Me një akt të paprecedentë, antikushtetues, antiligjor, të fallsifikuar, Edi Rama i ka hapur luftë Shoqatës së Bashkive të Shqipërisë, e drejtuar nga kryebashkiakja e Shkodrës Voltana Ademi, e vetmja kryebashkiake legjitime në vend. Kjo shoqatë ka dërguar në Gjykatën Kushtetuese çështjen e votimeve të paligjshme lokale të 2 viteve më parë, duke vënë në rrezik një tjetër pushtet të vjedhur prej Edi Ramës”, thuhet në deklaratë.

Sipas Tabakut, ndërmarrja e një veprimi të tillë nga ana e kryeministrit Rama vjen si rrjedhojë e dëshirës së tij që të tërhiqet nga Gjykata Kushtetuese padia që kjo shoqatë, me në krye Ademin, ka bërë kundër zgjedhjeve lokale moniste të dy viteve më parë.

Lini një Përgjigje

Adresa juaj email s’do të bëhet publike.

Kthehu