Nga ekzekutimet kriminale deri tek vrasjet për shkaqe banale janë motivet e ngjarjeve që kanë tronditur qarkun e Elbasanit.
Numri i ngjarjeve kriminale të ndodhura në qarkun e Elbasanit gjatë viteve të fundit ka rritur edhe pasigurinë tek qytetarët të cilët mendojnë se forcat e rendit duhet të jenë më efektive në punën e tyre.
6 viktima janë shënuar vetëm në 5 muajt e parë të vitit 2021.
Një vrasje për konflikt politik, dy krime të rënda në familje dhe një tipike mafioze, kanë rritur ndjenjën e frikës mes qytetarëve.
“U frikësuam, pa diskutim,” thotë qytetari.
“Normale që është rritur pasiguria me gjithë këto ngjarje që po ndodhin,” thotë qytetarja.
Pas çdo ngjarje të bujshme në qytet zbarkojnë forcat speciale që ushtrojnë kontrolle për dy apo tre ditë dhe më pas.
Por qytetarët thonë se reagimi nuk duhet të jetë me aksione, por policia dhe drejtësia duhet të veprojnë me dorë të hekurt ndaj krimit.
“Po të jetë rendi, po të jetë policia nuk bëjnë ata kështu,” tha qytetari.
Në një takim të zhvilluar më 5 tetor 2020, kryeprokurori Olsian Çela, ngriti alarmin për nivelin e frikshëm të kriminalitetit në Elbasan, duke pranuar se krimi i organizuar e ka nënshtruar dhe po kontrollon jetën ekonomike.
Në atë kohë kryeprokurori kërkoi reagim të fortë nga policia e prokuroria, thirrje që qytetarët ende e përsërisin./ Ora