Nëna e Jennifer Lopez duket se është shumë e lumtur për Bennifer 2.0.
Guadalupe Rodriguez thuhet se i ka dhënë aprovimin rikthimit të J.Lo-së me Ben Affleck. Madje, asaj i pëlqen të kalojë kohë me dhëndrin e ri, si javën e kaluar në Las Vegas.
“Në të kaluarën, nëna e Jennifer dhe Ben ishin shumë të afërt”, tha një burim i afërt me Lopez për People. “Guadalupe e donte Benin. Ajo u trishtua kur ata nuk mundën ta rregullonin marrëdhënien e tyre vite më parë. Ajo është e entuziazmuar që ata janë përsëri bashkë tani.”
Burimi shtoi se është shumë e rëndësishme që çdo partner i Lopez të shkojë mirë me nënën e saj, sepse ato të dyja janë shumë të afërta me njëra-tjetrën.
“Jennifer i pëlqen që Ben dhe Guadalupe kaluan kohë në Las Vegas,” vazhdoi burimi, duke shtuar: “Ata të dy e duan kumarin dhe u argëtuan së bashku në hotelin Wynn.”
Rodriguez – e cila dikur fitoi 2.4 milionë dollarë në një kazino të Atlantic City – u fotografua me Affleck në kazino, ku thuhet se ai po punonte për një projekt të ri.